Тексты Националных Песен и Гимн. Халкъ Джырларыбызны Сёзлери!!!(НЕ ЗАБУДЬТЕ ...

[Ариф Окга]

КЪЫРЫМ КЪЫЗЫ
Багъчада Къырым къызы,
Кокте Чолпан йылдызы.
Къалем киби къашлары,
Он секиздир яшлары.
*
Кель,сени алайым,
Мен де сени алайым.
Бабанъ разы олмаса,
Юректен ялвартайым.
*
Багъчада Къырым къызы,
Янакълары къырмызы.
Алма вердим,алмады,
Мен пешинден къалмадым.
*
Кель,сени алайым,
Мен де сени алайым.
Бабанъ разы олмаса,
Мен чаресин булайым.
*
Багъчада гуль-мелевше,
Къашларынъ коше-коше.
Гузелим,сени корьсем,
Акълыма Къырым тюше...