РАСЕЙСКІ РУБЕЛЬ ПРАЦЯГВАЕ ПАДЗЕНЬНЕ.
Упершыню ў гісторыі курс амэрыканскага даляру перакрочыў мяжу ў 32 расейскія рублі.
Папярэдні максімум — 31,88 – быў дасягнуты 6 гадоў таму. Раніцай чацвярга на таргах Маскоўскай міжбанкаўскай валютнай біржы ўгоды заключаюцца па 32 рублі і 20 капеек.
Расейскі Цэнтрабанк паступова дэвальвуе рубель у суадносінах да бівалютнага кошыка - сёньня на 50 капеек. Гэта ён зрабіў чацьвёрты раз за пяць дзён, паведамляе "Эхо Москвы".
У цэлым расейскі рубель за апошнія два месяцы ўпаў на 19% проці кошыка сусьветных валютаў. Урад Расеі ўзважвае магчымасьць перагляду бюджэту-2009 з разьліку на сярэднегадавы курс рубля, роўны 35 за даляр. Гэта азначае, што рубель можа зьнізіцца да 38-40 рублёў за даляр да канца году, ці яшчэ больш за 20%.
__________________
Мужчина должен говорить женщине всего три слова:"люблю", "куплю", "поедем".
|