[Адреналин]

Мастоўскія камунальшчыкі не супраць беларускіх шыльдаў, але вешаюць рускамоўныя
Актывіст Руху “За Свабоду” атрымаў адказ ад кіраўніцтва РУП ЖКГ Мастоў на свой запыт, чаму шыльды з назвамі вуліцаў вырабляюцца выключна па-руску.
Паводле дырэктара Мастоўскага РУП ЖКГ, закон не вызначае прыярытэтнасць моваў напісання шыльдаў. “У адпаведнасці з Законам “Аб мовах у Рэспубліцы Беларусь” тапонімы даюцца на беларускай альбо рускай мовах”, ? паведамляецца ў адказе.
Дырэктар Мастоўскага РУП ЖКГ прызнаў, што арганізацыя апошнім часам замовіла 7 новых шыльдаў, але не пазначыла, на якой мове трэба зрабіць надпісы, і вытворца шыльдаў выканаў іх на расейскай мове.
Мастоўскія камунальшчыкі абяцаюць прыняць да ведама просьбу дэпутата райсавета і наступным разам, па ўзгадненню з райвыканкамам, замаўляць беларускамоўныя шыльды.
працяг: http://by.milinkevich.org/news/data/ic_77/4862/