ШКОЛЬНЫ ВАЛЬС

Дзяцiнства i юнацтва тут прайшлi,
Чакае нас са школай развiтанне,
Шмат ведаў мы i сталасць набылi,
Пазналi сваё першае каханне.

Усмешак мора радасных вакол!
Цяпер адчулi: школу мы любiлi,
Жыцця перыяд вабны тут прайшоў,
I атэстаты сталасцi ўручылi.

Цудоўна ззяе радасць у вачах!
А школьны вальс гучыць ў душы бясконца,
Жыццё прад намi адкрывае шлях,
Ён залацiцца у праменнi сонца.

Апошнi школьны развiтальны бал!
I пары ў танцы кружацца шчаслiва,
Дарослым кожны з нас сягоння стаў,
Нам ў невядомасць шлях жыццё адкрыла.

Мы дзесяць год са школай пражылi,
I не забудзем, што для сэрца мiла,
Настаўнiкаў, што к ведам нас вялi,
I шчасце, што нам школа падарыла.

Вальс школьны ў душах радасна гучыць!
Ноч скончылась, i наступае ранне,
Шчаслiвымi ўсiм хочацца нам быць,
Як ў гэты вечар, вечар развiтання.
Анатолiй Iванавiч Балуценка