Почнемъ же, братїє, повЂсть сїю
отъ стараго Владимера до нынЂшняго Игоря,
иже истягну умь крЂпостїю своєю
и поостри сердца своєго мужествомъ;
наплънився ратнаго духа,
наведе своя храбрыя плъкы
на землю ПоловЂцькую
за землю Руськую.

Тогда Игорь възрЂ
на свЂтлоє солнце
и видЂ отъ него тьмою
вся своя воя прикрыты.
И рече Игорь
къ дружинЂ своєй:
«Братїє
и дружино!
Луце жъ бы потяту быти,
неже полонену быти;
а всядемъ, братїє,
на свои бръзыя комони,
да позримъ
синего Дону».